الحكاية ابتدت في شهر 7 اللي فات لما شركة جوجل أعلنت انها شغالة على مسارات وكورسات في 4 مجالات والحقيقة هما من اكتر المجالات المطلوبة في سوق العمل ..
خليني اقولك تصريح جميل قوي 
شركة جوجل قالت انهم هيتعاملوا مع الشخص اللي معاه شهادة الكورسات دي زي بالظبط مبيتعاملوا مع الطالب اللي واخد نفس التخصص والمجال في الكلية خلال اربع سنين او اكتر يعني بإختصار شهادة كورسات ب 6 شهور تعادل شهادة كلية في نفس المجال في اربع او 5 سنين اه والله زي ما بقلك كدة
خليني اقلك تصريح اجمل 
الشركات العالمية كانت اعلنت من حوالي سنتين انها خلاص مبقتش تهتم بالشهادات الجامعية اصلا في عملية التوظيف محتاجين منك انت بتعرف تعمل اي وبس فانت ركز علي تحصيلك وانك تستفيد وربك هيكرمك ..
قصة الشهادات قصة طويلة فمش هنخش فيها عشان مش موضوعنا دلوقتي
- طيب مطلوب مني اي خبرة سابقة عشان ابدأ؟!
الحقيقة الكورسات دي تخصص كامل فهتاخدك من تحت الصفر بشوية لحد متكون جاهز انك تشتغل بإذن الله بس ايوة في حجات مطلوبة منك عشان تبدأ ..
محتاج منك شوية إرادة علي مجهود علي حبة تعب علي شويتين تلاتة صبر ومعافرة وتستعن بالله ولا تعجز واتكل علي الله
من خلال التقرير اللي عملوه هوضحلك كام نقطة قبل منبدأ:-
- زي ما قلت مش مطلوب منك أي خبرة سابقة في المجالات دي
- تقدر تتعلم الكورسات دي حسب وقتك الفاضي بمعدل أقل من 10 ساعات في الاسبوع يعني حوالي ساعة ونص مذاكرة في اليوم لمدة 6 شهور
- قالوا كمان ان اكتر من 82% من الطلبة اللي أخدت الكورسات دي عادت عليهم بتأثير اجابي في الكارير بتاعهم
- آخر حاجة معدل المرتبات للمجالات دي من خلال الإحصائية اللي اتعملت تقريبا 63,400$
اخر حاجة معلش واقلك اي المجالات 
الكورسات دي اي حد ايا كان سنه او شغله يقدر يبدأ فيهم وبمناسبة السن في كورس CS50 كان معانا واحد عنده 70 سنة وبياخد معانا الكورس فانت عامل اي دلوقتي 
المهم سواء كنت طالب او خريج او حتي لو شغال وبالفعل مكون اسرة وبتفكر تزود دخلك الحكاية كلها تقريبا ساعة ونص في اليوم
اي حد فعلا يقدر يستفيد بالكورسات دي إلا طالب الثانوية ودي جدعنة مني كدة مش اكتر ، روح يا صديقي ذاكر وخلص الثانوية وهتلاقي الفرص قدامك متقلقش وهتكتر كمان بإذن الله بس انت ركز ف المرحلة دي الله يكرمك
طولت عليك في البداية معلش خليني بقا اقلك اي هيا المجالات المتاحة وهما في الحقيقة بقوا 5 مجالات مش 4 بس ..
المجالات المتاحة :-
1 ) project management
2 ) IT support
3 ) Data Analytics
4 ) UX Design
5 ) Android Development
طب ازاي نقدر ناخد الكورسات دي ونقدم فيها؟
بداية عايز اعرفك ان كل الكورسات موجودة علي منصة كورسيرا إلا ال Android Development فلو هتبدأ اندرويد لو حاجة وقفت قدامك ف التقديم ممكن تكلمني وهنظبط الدنيا بإذن الله مع بعض ..
اي تراك تاني ركز معايا بقا يلا بس الله ونبدأ ف الخطوات كالتالي وتابع مع الصور اللي موجودة خطوة خطوة ..
هتدخل علي اللينك ده
اما تدخل عليه هتفتح معاك الصورة رقم 1 هتحدد المجال اللي انت محتاجه وليكن مثلا Data Analytics وتضغط Learn more هيحولك
للصورة رقم 2 هتغط Get Started هيحولك للصورة رقم 3 هتنزل بالماوس في الصفحة شوية لحد متلاقي زي الصورة رقم 4 ودي الكورسات اللي موجودة ف التراك بتاعك هتغط علي اول كورس هيحولك للصفحة رقم 5 تضغط علي Financial aid available هتظهر صورة 6 اضغط Continue to the application
هتفتح صفحة 7 علم علي الحجات المطلوبة واضغط Continue
هتفتح صورة 8 دخل البيانات ايا كانت عادي جدا وهتلاقي مطلوب منك سؤالين محتاج إجابتهم ب 150 كلمة ع الأقل هتلاقي إجابتهم هنا
لما تخلص هتلاقي Submit Application اللي في الصورة 9 باللون الأزرق اضغط عليها
هيفتح معاك الصورة رقم 10 وكدة مبروك بيقلك انهم استقبلوا الطلب بتاعك وهيردوا عليك بعد 15 يوم ومتقلقش في الغالب بيقبلوا كل الطلبات بإذن الله ..
لو عايز تبدأ ف الكورس بقا في نفس الوقت هترجع لصفحة الكورس زي الصورة رقم 11 وتضغط Enroll for free هيحولك للصورة رقم 12 هتلاقي تحت علي الشمال كلمة Audit بخط صغير كدة اضغط عليها هيفتحلك الماتريال بتاع الكورس بالكامل تقدر تذاكر الكورس واما الدعم يتقبل تاخد الشهادة
وهكذا باقي الكورسات لحد متخلص التخصص كله بنفس الخطوات وتكون جاهز للشغل ..
لو انت وصلت لحد هنا فانا بحييك يا صديقي وكل الدعم وان شاء الله توصل إلي انت عايزه وتعمل عظمة في حياتك بإذن الله
واكيد طبعا لو بدأت وقابلك اي مشاكل او احتجت اي حاجة اسأل في اي وقت وان شاء الله ارد عليك حتي لو معنديش اجابة هسأل وهدورلك لحد ملاقيلك حل واجابة بس ابدأ
ياريت تحاول تفيد غيرك بالكلام ده لأنه حقيقي ممكن يغير حياة أي شخص تماما فحاول توصله لكل زمايلك على قد متقدر
الفيديو ده عظيم وشارح برده كل الكلام اللي قلناه فلو انت مفهمتش حاجة من اللي فوق شوف الفيديو ده
ولو انت متعرفش حاجة عن كورسيرا اصلا فيا مرحب بيك والله وشوف الفيديو ده وابدأ اعمل عظمة يا صديقي ..
-----------------------------------------------------
- Resources:-
1- Grow with google
2- نادي القراءة العملية
-----------------------------------------------------
فيه جملة انا بحبها قوي ودايما بقولها :
" You don't have to be great to start, but you have to start to be great "
" لا يجب ان تكون عظيما لكي تبدأ ولكن يجب أن تبدأ لكي تكون عظيما "
اخيرا يا صديقي الناس بالناس ومن يعن يعن فحاول تعمل شير للكلام ده او توصله انت بطريقتك لأي حد ممكن يستفاد منه وتعرفه بالفرصة دي وخليك فاكر دايما ساعد تتساعد يا طيب وبس كدة سلام
من صفحة "
ليست هناك تعليقات:
إرسال تعليق